|
|
|
|
|
|
 |  |
 |  |
روابط مفيدة : للإعلان بالموقع | استرجاع كلمة المرور| طلب كود تفعيل العضوية | تفعيل العضوية
 |
 |
 |
|
 |
||||||||
|
||||||||||
 |
 |
|||||||||
| منتدى فنون الطبخ يحتوي علي جميع انواع الاكلات وفنون الطبخ |
 |
|
|
أدوات الموضوع |
21-08-2009
|
رقم المشاركه : 1 |
|
|
في ثلاث خطوات وبس..جهزي طلبات البيت استعداداً للشهر الكريم!
كل سنة وإنت طيبة، كلها كام ساعة ورمضان يهل علينا ومعاه الخير كله... وأكيد كل البيوت دلوقتي أعلنت حالة الطوارئ استعداداً لقدوم الشهر الكريم... وطبعاً ممكن ما تكونيش عارفة تعملي إيه؟! وتشتري إيه؟! وإيه الحاجات اللي بيتك محتاج لها!! وإيه اللي مش محتاج لها!!! وإزاي تحتفظي بالخضروات والفاكهة واللحوم عندك لأطول فترة ممكنة؟! لأن زي ما إنت عارفة إن رمضان وقته ضيق جدًّا ومحتاج إنك تكوني منظمة نفسك ومرتبة كل حاجة كويس قوي قبل ما ييجي... يلا نشوف مع بعض الخطوة الأولى هاتي ورقة وقلم وادخلي المطبخ  أول حاجة المفروض تعمليها: إنك تجيبي ورقة وقلم، وتدخلي المطبخ علشان تبدئي في فحص كل حاجة موجودة عندك، وتشوفي أنت ناقصك إيه؟! وتكتبيه في الورقة... وخدي بالك إنك تكتبي في الورقة دي أسماء الحاجات الأساسية اللي أنت محتاجة لها زي "السكر والشاي والمكرونة والأرز والسمنة والزيت، وغيرها من الحاجات اللي بيطلق عليها تموين للبيت، ويا ريت تعملي حسابك إنك تكتّري شوية صغيرين من الكمية اللي هتجيبيها؛ فمثلاً لو كنت بتسخدمي 3 علب زيت في الشهر يبقي اكتبي في الورقة دي إنك محتاجة 5، وده لأن زي ما إنت عارفة إن استهلاك البيت بيزيد شوية في رمضان علشان العزومات كل سنة وأنت طيبة.. كمان هتكتبي في الورقة دي الحاجات الخاصة بشهر رمضان زي الياميش مثلاً ولوازم رمضان؛ بالإضافة إلى أسماء الخضروات والفاكهة واللحوم اللي إنت محتاجة لها في رمضان... وبكده إنت حددتي إنت محتاجة إيه؟! الخطوة الثانية انزلي السوق  بعد ما حددتِ الطلبات اللي إنتِ عايزاها، والكمية اللي إنتِ عايزاها، انزلي السوق أو السوبر ماركت وهاتي الطلبات اللي إنتِ عايزاها... وعلشان تبقي ناصحة وما حدش يضحك عليكي هنقدم لك دلوقتي جدول بسيط نشرح لك فيه طريقة شراء احتياجات البيت الطيور "الفراخ أو الحمام أوالبط"  لو هتشتريها صابحة من عند الفرارجي يبقى خدي بالك إن جلدها يكون متماسك وكل لون واحد، وما فيش عليه أي آثار للكدمات زي إنه يكون مزرِق مثلاً، لكن لو هتشتري الطيور دي من السوبر ماركت أكيد طبعاً هتكون مجمدة.. في الحالة دي تاخدي بالك إن ما يكونش فيها أي آثار للماء أو بلورات الثلج يعني تكون متجمدة كويس، وتاخديها وتروحي على البيت على طول، وتحطيها في الفريزر علشان ما تديش فرصة إن التلج بتاعها يفك.. بس نصيحة بيني وبينك الطيور الطازجة أحسن مية مرة من الطيور المجمدة.اللحمة  لازم تكون من عند جزار موثوق فيه، علشان تتأكدي إن اللحمة دي كويسة وخدي بالك إن لون اللحمة يكون وردي قاتم وتجنبي نهائياً اللحم المخضر المائل إلى الرمادي أو المبلل لأن دي بتبقى لحمة فاسدة. السمك  السمك سواء اللي بيعيش في الميه المالحة أو العذبة لازم يكون عيونه لامعة ممتلئة ورطبة، وخياشيم السمكة نظيفة لونها أحمر، وما يكونش عليها أي أثر لمادة لزجة، وجلد السمكة يكون بيلمع ورطب، وألوانه واضحة وصلب، ما فيش فيه أي خدوش. لكن لو كنتِ هتشتري سمك فيليه يبقى خليكِ شاطرة واشتري السمكة كاملة، وبعد كده خلي اللي بيبيع يقطعها لك الخضراوات أو الفاكهة  يا ريت برضه إنك تشتري الخضراوات والفاكهة الطازجة، ودي هتعرفيها من لونها. المعلبات  لو رحتِ السوبر ماركت وحبيتِ إنك تشتري حاجات معلبة يبقى يا ريت إنك تشوفي تاريخ الصلاحية والانتهاء اللي بيكون مكتوب على العلبة، وكمان خدي بالك إن العلبة تكون مقفولة وسليمة وما فيش فيها أي أنحناءات. الخطوة الثالثة بعد ما ترجعي البيت  بعد ما ترجعي البيت دخّلي الحاجات اللي جيبتيها المطبخ وغيّري هدومك، وهاتي مجموعة من الأكياس البلاستيك النايلون؛ بس خدي بالك إن الأكياس دي تكون ناشفة ونظيفة جداً، وكمان هاتي ورقة وقلم وسلوتيب، وده علشان تكتبي على كل كيس اسم اللي موجود جواه وتلزقيه بالسلوتيب. ودلوقتي هنشوف مع بعض جدول هنشرح لك فيه طرق تخزين كل حاجة من الحاجات اللي إنت جيبتيها دي؛ لأن كل حاجة ليها طريقة معينة في التخزين علشان تستمر معاكي لأطول وقت ممكن الطيور "الفراخ أو الحمام أو البط"  شيليها من الكيس بسرعة وابدئي في تنظيفها وده بأنك تغسيلها من جوه ومن بره وتشيلي أي آثار للريش أو أي دم موجود عليها وبعد كده تحطيها في طبق كبير، وتدعكيها كويس بالملح من جوه ومن بره، وتعصري عليها نص ليمونة وتسيبيها لمدة نص ساعة، وبعد كده تغسليها كويس تاني بالميه من الملح والليمون، وتحطيها في مصفاة، علشان تصفي الميه كويس، وبعد كده هاتي كيس بلاستيك ناشف وحطيها فيه، وفرغي منه الهواء واقفليه كويس وحطيه على طول في الفريزر. اللحمة  طلعيها من الكيس البلاستيك وبعد كده حطيها في حلة وحطيها في التلاجة على الرف اللي تحت الفريزر لمدة أربع ساعات.. وبعد كده هاتي كيس بلاستيك ناشف وحطيها فيه وفرغي أي هواء في الكيس واقفليه كويس وشيليه في الفريزر.. نفس الشيء ده هتعمليه مع اللحمة المفرومة. السمك  بعد ما تروحي البيت على طول طلعي السمك من الكيس بتاعه وابدئي في تنظيفه كويس. ودي طريقة تنظيف السمك: 1. امسكي وسط السمكة وقشري جلدها باتجاه الرأس بسكين. 2. قصي الزعانف بواسطة مقص حاد. شقي جانب السمكة بسكين حادة كبيرة من أسفل رأسها حتى بداية ذيلها، وتأكدي من أنها قد شقت جيداً من الداخل شيلي الأمعاء ونظفي بطن السمكة كويس. 3. بعد كده ابدئي في تنظيف السمك بالميه الباردة وبأكد بالميه الباردة، وبعد كده حطيه في مصفاة وسيبيه علشان يصفي ميته وحطيه في كيس بلاستيك ناشف وشيليه في الفريزر. الخضراوات أو الفاكهة لو كنت جايبة كمية كبيرة من الخضروات والفاكهة يبقى ياريت إنكتحتفظي بالخضار والفاكهة اللي إنتِ مش محتاجة لها لحين الاحتياج لها. ودي طريقة بسيطة جداً لحفظ الخضار والفاكهة... _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ الخضروات الورقية اللي زي النعناع والبقدونس والشبت والكزبرة والجرجير حطيهم في كيس بلاستيك ناشف من غير ما تغسليهم وتحطيهم فيالتلاجة، ودي أحسن طريقة تخليهم يعيشوا معاكِ في التلاجة لمدة أسبوعين.. الطماطم  لكن لو كانت الطماطم جامدةيبقى حطيها في مصفاة وحطيها في الثلاجة زي ما هي. البامية  بعد كده هاتي السكينة وابدئيفي تقميع البامية بإنك تشيلي الجزء العلوي منها بشكل هرمي، واوعي تقطعيها من النصأو من الطرف؛ لأن ده ممكن يخليها تنزل العصارة اللي فيها. بعد كده أغلي ميه،وحطي عليها نصف ليمونة ومعلقة ملح، بعد كده حطي فيها البامية لمدة خمس دقائق، وبعدكده شيليها من الميه المغلية، وحطيها في مصفاة، وافتحي عليها الحنفية بميه باردة،بعد كده سيبيها شوية علشان تصفي الميه اللي فيها... بعد ما تتأكدي إنها ما بقاش فيها ميه نهائي هاتي كيس نايلون، وحطيفيه الباميه، بس خدي بالك وإنتِ بتحطيها إنك تفرّغي الكيس من أي هواء، بعد كدهاقفلي الكيس كويس وحطيه في الفريزر.. البسلة والفاصوليا  هاتي البسلة وفصصيها واغسليها كويس وحطيها فيالمصفاة. بعد كده هاتي حلة كبيرة فيها ميه، وضيفي ليها معلقة كبيرة ملحوسيبي الميه تغلي على النار، بعد ما تغلي ضيفي إليها البسلة وسيبيها لمدة 5 دقائقبعد كده حطيها في المصفاة، واغسليها على طول بميه باردة من الحنفية، وده علشانتحافظي على لونها الأخضر وعلى القيمة الغذائية اللي فيها. بعد كده سيبيها شوية علشان تصفي الميه اللي فيها... بعد ما تتأكدي إن ما بقاش فيها ميه نهائي هاتي كيس نايلون، وحطيفيه البسلة؛ بس خدي بالك وإنتِ بتحطيها إنك تفرّغي الكيس من أي هواء، بعد كده اقفليالكيس كويس وحطيه في الفريزر... ونفس الشيء مع الفاصوليا.. ورق العنب  هاتي ورق العنب واغسليه كويس، وبعد كده حطيه في ميه مغلية لمدة 3دقائق، وشيليه منها وحطيه في مصفاة يصفي ميته، ويبرد، بعد كده لفّيه في فوطة ناشفةوحطيه في أكياس نايلون بس برضه اتأكدي إن الكيس ما فيهوش أي أثر للهواء، وبعد كدهحطيه في الفريرز. الملوخية  البصل والثوم والبطاطس  الفاكهة  البهارات والتوابل  علشان كده يا ريت ما تخزنيش الأعشاب والبهارات الجافة بالقرب منأفران الغاز أو المايكروويف أو أي مصدر للحرارة أو الرطوبة؛ زي أجهزة غسل الصحونوغلايات الماء. وخليكي دايما عارفة إن الأعشاب والبهارات دي لو خزنتيها بشكلصح فده ممكن يخليها تحتفظ بنكهتها لمدة عام أو اتنين أو أكثر. الحبوب زي الفول والعدس  الياميش والمكسرات  بالنسبة للياميش زي المشمشية والتين المجفف والمكسرات ممكن تحطيهمفي أكياس وتحطيهم في التلاجة. الجبنة القريش  أو إنك تغلي كوباية ميه، وبعد كده تسيبيها لغاية ماتبرد وبعد كده تضيفي إليها شوية ملح وتحطي فيها الجبنة وقرن شطة أخضرحامي. وبكده تبقي إنت جهزتي كل حاجة عندك في البيت وتقدري إنك تستقبلي رمضان... وكمان تلاقي عندك وقت كافي خلال نهار رمضان أنك تعملي أشهى الأكلات... وتابعينى يومياً طوال شهر رمضان لأنى هحاول اقدم لك كل يوم فكرة جديدةلأشهى الأطباق اللي ممكن تعمليها على الفطار وكل عام وانتم بخير وسعادة td eghe o',hj ,fs>>[i.d 'gfhj hgfdj hsju]h]hW ggaiv hg;vdl! hgfdj hg;vdl! eghe o',hj 'gfhj ggaiv ,fs [i.d |
|
|
21-08-2009
|
رقم المشاركه : 2 |
|
|
رد: في ثلاث خطوات وبس..جهزي طلبات البيت استعداداً للشهر الكريم!
تسلم تسلم تسلم الأيادي ياست الكل
سهلتِ عليهم جدا جدا بخطواتك خطوات سهله وبسيطه ورائعه فـ كل الشكر لكِ قلبنا الصادق وكل سنه وإنتِ طيبه ورمضان كريم بس كان المفروض مراتي اللي تدخل موضوعك قلب خليها تتعلم بس ياريت تخليها توفر وتمسك إيديها في المصروف ^_^ |
|
|
|
25-08-2009
|
رقم المشاركه : 3 | |||||||||||||||||||||||
|
|
رد: في ثلاث خطوات وبس..جهزي طلبات البيت استعداداً للشهر الكريم!
كل سنة وانت بخير وسعادة يا ابنى
وليه بس تقطع رزقى فى المشاركات ؟؟؟!!! ما تدخلوا انتوا الاتنين وتعلوا المشاركات عموما ما تحملش هم هاتها انت بس ومن عينيا اعلمها تقتصد نورت الموضوع فارس وكل سنة وانت بخير وسعادة ورمضان كريم |
|||||||||||||||||||||||
|
|
|
27-08-2009
|
رقم المشاركه : 4 |
|
|
رد: في ثلاث خطوات وبس..جهزي طلبات البيت استعداداً للشهر الكريم!
تسلم الايادى اختى الغالية قلب صادق جزاكى الله كل خير وكل عام والامة الاسلامية بخير وصحة وسلام دائما يارب |
|
|
|
30-08-2009
|
رقم المشاركه : 5 |
|
|
رد: في ثلاث خطوات وبس..جهزي طلبات البيت استعداداً للشهر الكريم!
بس انا اعترض على حاجه فى الموضوع انا مبحبش ورق العنب بس موضوع جميل جدا يا ماماتنا تسلم ايدك تحياتى لكى |
|
|
|
01-09-2009
|
رقم المشاركه : 6 |
|
|
رد: في ثلاث خطوات وبس..جهزي طلبات البيت استعداداً للشهر الكريم!
نصائح جميلة ورائعة من انسانه رائعة وقدوة لنا تسلم قلبى على نصائح غالية |
|
|
|
15-09-2009
|
رقم المشاركه : 7 | |||||||||||||||||||||||
|
|
رد: في ثلاث خطوات وبس..جهزي طلبات البيت استعداداً للشهر الكريم!
تسلمى يا قمر ربنا يخليكى وكل عام وانتى الى الله أقرب وعلى طاعته أدوم باذن الله |
|||||||||||||||||||||||
|
|
|
15-09-2009
|
رقم المشاركه : 8 | |||||||||||||||||||||||
|
|
رد: في ثلاث خطوات وبس..جهزي طلبات البيت استعداداً للشهر الكريم!
اممممممممممممممم طيب آكل انا ورق العنب وأمرى الى الله بس ابقى ادى لاخواتك حتة من اللحمة والفراخ علشان هيكونوا صايمين حرام ربنا يخليكى اهلاوية يا قمر على مرورك وردك الجميل كل عام وانتى بخير وسعادة |
|||||||||||||||||||||||
|
|
|
15-09-2009
|
رقم المشاركه : 9 | |||||||||||||||||||||||
|
|
رد: في ثلاث خطوات وبس..جهزي طلبات البيت استعداداً للشهر الكريم!
مين هنا ؟؟؟ قاهر عندنا ؟ يا مرحبا يا مرحبا تسلم يا رب وكل عام وانت بخير وسعادة |
|||||||||||||||||||||||
|
|
|
05-08-2010
|
رقم المشاركه : 10 |
|
|
تسلمى قلب صادق طريقه سهله وبسيطه ويا ريت الكل يعملها بجد موضوع حلو ومفيد تقبلى مرورى وتقديرى |
|
|
| |
| مواقع النشر |
| العبارات الدلالية |
| استعداداً, البيت, الكريم!, ثلاث, خطوات, طلبات, للشهر, وبس جهزي, وبس..جهزي |
| أدوات الموضوع | |
|
|
أنت غير مشترك في حلم عابر. للتسجيل الرجاء اضغط هنـا
